မြန်မာ့ကျားဖြန့်လုပ်ငန်းနဲ့ ဗိုလ်ချုပ်ကြီး စူရာချီရဲ့ အတွင်းရေးဇာတ်လမ်း

မြန်မာ့ကျားဖြန့်လုပ်ငန်းနဲ့ ဗိုလ်ချုပ်ကြီး စူရာချီရဲ့ အတွင်းရေးဇာတ်လမ်း

=======================
မြန်မာနိုင်ငံ အရှေ့ဘက်ကမ်းခြေက “ကျားဖြန့်” (Online Scam) လုပ်ငန်းတွေအကြောင်း ပြောမယ်ဆိုရင် ထိုင်းရဲမင်းကြီးဟောင်း ဗိုလ်ချုပ်ကြီး စူရာချီ ဟတ်ပန် (Surachate Hakparn) သို့မဟုတ် ကျွန်တော်တို့ လူသိများတဲ့ “Big Joke” အကြောင်းကို ချန်ထားလို့ မရဘူး။ သူဟာ ဒီဂိမ်းရဲ့ အနက်ရှိုင်းဆုံး အပိုင်းတွေကို လက်ဝါးကြည့်သလို သိနေတဲ့သူပါ။
၁။ ၂၀၂၃ ခုနှစ် - မြဝတီနဲ့ ကရင်နယ်စပ်က ပဟေဠိများ
၂၀၂၃ ခုနှစ်ဟာ ကျားဖြန့်လုပ်ငန်းတွေ အထွတ်အထိပ်ရောက်တဲ့ အချိန်ပါ။ မြဝတီတောင်ဘက်က KK Park နဲ့ ရွှေကုက္ကိုလ် မြို့သစ်စီမံကိန်းတွေမှာ နိုင်ငံတကာက လူပေါင်းသောင်းချီ ပိတ်မိနေတာကို ဗိုလ်ချုပ်ကြီး စူရာချီ ကောင်းကောင်းကြီး သိခဲ့ပါတယ်။ အထူးသဖြင့် ၂၀၂၃ ခုနှစ်၊ ဇူလိုင်လ အတွင်းမှာ သူဟာ ထိုင်း-မြန်မာ နယ်စပ်က လူကုန်ကူးမှုတွေကို နှိမ်နင်းဖို့ ရှေ့တန်းကနေ ပါဝင်ခဲ့ပြီး တရုတ်ရာဇဝတ်ဂိုဏ်းတွေရဲ့ ငွေကြေးစီးဆင်းမှု လမ်းကြောင်းကို အမိအရ ဖမ်းဆုပ်နိုင်ခဲ့သူ ဖြစ်ပါတယ်။
၂။ ၂၀၂၃ အောက်တိုဘာ - ကိုးကန့် (၁၀၂၇) စစ်ဆင်ရေးနဲ့ စူရာချီရဲ့ အခန်းကဏ္ဍ
၂၀၂၃ ခုနှစ်၊ အောက်တိုဘာလ ၂၇ ရက်မှာ မြောက်ပိုင်းမဟာမိတ်ညီနောင်သုံးဖွဲ့က ၁၀၂၇ စစ်ဆင်ရေးကို စတင်လိုက်တဲ့အခါ လောက်ကိုင်က ကျားဖြန့်လုပ်ငန်းတွေ ပြိုလဲကုန်ပါတယ်။ အဲဒီအချိန်မှာ ထောင်နဲ့ချီတဲ့ ထိုင်းနိုင်ငံသားတွေ လောက်ကိုင်မှာ ပိတ်မိနေခဲ့တယ်။ ဗိုလ်ချုပ်ကြီး စူရာချီဟာ ၂၀၂၃ နိုဝင်ဘာလ အတွင်းမှာ တရုတ်အစိုးရနဲ့ရော၊ မြန်မာစစ်ကောင်စီနဲ့ပါ တိုက်ရိုက်ချိတ်ဆက်ပြီး ထိုင်းနိုင်ငံသားတွေကို ကယ်ထုတ်ဖို့ ကြိုးစားခဲ့သူပါ။ ဒီနေရာမှာ သူသိခဲ့တာက ကျားဖြန့်လုပ်ငန်းတွေဟာ ရိုးရိုးလေးမဟုတ်ဘဲ မင်းအောင်လှိုင်ရဲ့ လက်အောက်ခံ နယ်ခြားစောင့်တပ် (BGF) တွေဖြစ်တဲ့ စောချစ်သူတို့လို လူတွေနဲ့ ဘယ်လောက်အထိ ပတ်သက်နေသလဲဆိုတာပါပဲ။
၃။ နာမည်ပျက်စာရင်းနဲ့ အတွင်းသတင်းများ
စူရာချီရဲ့ လက်ထဲမှာ ကျားဖြန့်လုပ်ငန်းတွေနဲ့ ပတ်သက်တဲ့ နာမည်ပျက်စာရင်း (Blacklist) တွေ ရှိခဲ့ပါတယ်။
စောချစ်သူ (BGF ခေါင်းဆောင်): ထိုင်းဘက်က လျှပ်စစ်မီးနဲ့ အင်တာနက် ဖြတ်တောက်မှုတွေ လုပ်ခဲ့ပေမယ့် ဘယ်လိုနည်းလမ်းတွေနဲ့ ဆက်လက်လည်ပတ်နေသလဲဆိုတာ စူရာချီ သိခဲ့ပါတယ်။
တရုတ်စီးပွားရေးလုပ်ငန်းရှင်များ: ရွှေကုက္ကိုလ်က She Zhijiang (ဖမ်းဆီးခံထားရသူ) ရဲ့ နောက်ကွယ်က ငွေမည်းခဝါချမှုတွေကို စူရာချီက စုံစမ်းစစ်ဆေးမှုတွေ လုပ်ခဲ့ပါတယ်။
၄။ ၂၀၂၄ ခုနှစ် - ဖိအားနဲ့ ရာထူးမှ ဖယ်ရှားခံရမှု
စိတ်ဝင်စားစရာ အချက်ကတော့ ၂၀၂၄ ခုနှစ်၊ ဧပြီလ အရောက်မှာ ဗိုလ်ချုပ်ကြီး စူရာချီကိုယ်တိုင် ငွေမည်းခဝါချမှု စွပ်စွဲချက်တွေနဲ့ ရာထူးကနေ ခေတ္တရပ်နားခံခဲ့ရတာပါ။ ဒါဟာ ကျားဖြန့်ဂိုဏ်းတွေရဲ့ အကျိုးစီးပွားကို သူက အရမ်းထိပါးလာလို့ နောက်ကွယ်က လက်မည်းကြီးတွေက သူ့ကို ပြန်ကစားလိုက်တာလားဆိုတဲ့ မေးခွန်းက အတွင်းလူတွေကြားမှာ အတော်လေး ရေပန်းစားခဲ့ပါတယ်။
ဗိုလ်ချုပ်ကြီး စူရာချီဟာ မြန်မာ့ကျားဖြန့်လုပ်ငန်းရဲ့ "Data Center" လို လူမျိုးပါ။ ဘယ်သူတွေဆီက ဘယ်လောက် ရာခိုင်နှုန်း ကော်မရှင်ရောက်တယ်၊ ထိုင်းဘက်က ဘယ်အရာရှိတွေ ပါဝင်ပတ်သက်နေတယ်ဆိုတာ သူ အကုန်သိပါတယ်။
ထူးစမ်းတဲ့သူ ရာထူးက ဖယ်ရှားခံရတာဟာ မြန်မာ့နယ်စပ်က ကျားဖြန့်လုပ်ငန်းရှင်တွေအတွက်တော့ သက်ပြင်းချနိုင်စရာ ဖြစ်သွားခဲ့တာ အမှန်ပါပဲ ဒါပေမဲ့ သူနဲ့ CIA က ဒန် ဒန့် ဒန် .... စောချစ်သူနဲ့ မအလ သေပြီဆရာ....
မှတ်ချက်- တရုတ်အစိုးရဟာ သူတို့နည်းပညာ ထောက်ပံ့ပေးပြီး အမေရိကန်ကို ဝိုက်လက်သီးဖြင့် ထိုးနှက်ပြီးနောက် လက်စဖျောက် စစ်ဆင်ရေး ပြုလုပ်လျက်ရှိရာ၊ ဘယ်နေ့ မအလ ကိုပါ ထိုးကျွေးရမလဲဆိုတာဟာ ယခုနောက်ဆုံး ဖမ်းမိသူများ အမေရိကန်ထံ ရောက်ရှိပြီး ထွက်ဆိုလာမည့် အချက်တွေနဲ့ များစွာ သက်ဆိုင်လာမလားဆိုတာ စောင့်ကြည့်ကြရမည်သာ ဖြစ်ပါတယ်။