လေကြောင်း စားကုန်တင်ပို့လုပ်ငန်း

လေကြောင်း စားကုန်တင်ပို့လုပ်ငန်း
(Aviation Catering Export Business)

မြန်မာ့စီးပွားရေး အပြောင်းအလဲအတွက် လေကြောင်းစားကုန်တင်ပို့မှု ဗျူဟာ
"ကျွန်တော်တို့ နိုင်ငံသားတွေ တစ်ပါးနိုင်ငံမှာ ကျွန်ခံနေရတဲ့ 'သဘောက်' ဘဝကနေ လွတ်မြောက်ဖို့ဆိုရင် အစိုးရလို့ အမည်ခံထားတဲ့သူတွေရဲ့ ဂရုမစိုက်မှုကို ကျော်လွှားပြီး ကိုယ့်ခြေထောက်ပေါ်ကိုယ် ရပ်တည်နိုင်မယ့် စီမံကိန်းတွေ လိုအပ်ပါတယ်။
၂၀၂၆ အောက်တိုဘာမှာ တရားမျှတမှုတွေ ပြန်လည်ရောက်ရှိလာတာနဲ့အမျှ 'အမြန်ရုန်းထ မြန်မာကွ' ဆိုတဲ့ ဇွဲနဲ့အတူ ကျွန်တော်တို့ ပြည်သူတွေကို အိမ်ပြန်ခေါ်ရပါမယ်။ အဲဒီလို အိမ်ပြန်ခေါ်နိုင်ဖို့ဆိုရင် ထိုင်းနဲ့ မလေးရှားမှာ ရနေတဲ့ လစာမျိုးကို ပြည်တွင်းမှာတင် ရရှိစေမယ့် လေကြောင်းစားကုန်တင်ပို့လုပ်ငန်း (Aviation Catering Export Business) ကို စနစ်တကျ အကောင်အထည်ဖော်ရမှာ ဖြစ်ပါတယ်။
ဒီစီမံကိန်းရဲ့ ပထမအဆင့်ကို မင်္ဂလာဒုံနဲ့ အဝေးပြေးလမ်းမကြီးတွေရဲ့ ဝဲယာမှာရှိတဲ့ စိုက်ပျိုးမွေးမြူရေး မြေတွေကို အခြေခံပြီး စတင်ပါမယ်။ လေဆိပ်နဲ့ အနီးဆုံးနေရာမှာ နိုင်ငံတကာ စံချိန်စံညွှန်းမီ စက်ရုံကြီးတွေ တည်ဆောက်ပြီး ကမ္ဘာ့လေကြောင်းလိုင်း ခရီးသည်တွေအတွက် အစားအစာတွေကို ထုတ်လုပ်မှာပါ။ ဒါဟာ ထိုင်း၊ မလေးရှားနဲ့ စင်ကာပူ လေဆိပ်တွေကတစ်ဆင့် ကမ္ဘာ့ဈေးကွက်ကို ထိုးဖောက်နိုင်မယ့် လမ်းကြောင်းဖြစ်ပါတယ်။
ဒါပေမဲ့ ဒါကို လုပ်တဲ့အခါ တစ်ဦးတည်းမူပိုင် မဟုတ်ဘဲ ၁၀၀% အများပိုင်လုပ်ငန်း အဖြစ် လုပ်ကိုင်ပြီး နိုင်ငံတော်ကနေ ချေးငွေနဲ့ နည်းပညာ အပြည့်အဝ ပံ့ပိုးပေးရပါမယ်။ ဒုတိယအဆင့်အနေနဲ့ မော်လမြိုင်-မဲဆောက် လမ်းကြောင်းနဲ့ မြိတ်မြို့တို့အထိပါ လုပ်ငန်းတိုးချဲ့သွားဖို့ Project တွေ ဆွဲထားရမှာပါ။
ဒီလုပ်ငန်းရဲ့ အသက်ဟာ စနစ်ကျတဲ့ Supply Chain ဖြစ်ပါတယ်။ ဒါကြောင့် လုပ်ငန်းအတွေ့အကြုံ ၃ နှစ်ခန့် ရှိပြီးသားဖြစ်တဲ့ SME စိုက်ပျိုးမွေးမြူရေး လုပ်ငန်းရှင် ၁၅၀ ကို သေချာရွေးထုတ်ပြီး နိုင်ငံတော်က ချေးငွေ ထုတ်ပေးကာ ဒီကွင်းဆက်ထဲကို ဆွဲသွင်းရပါမယ်။
ကြက်၊ ငါး၊ ပုဇွန် မွေးမြူရေးတွေဟာ တစ်ခုနဲ့တစ်ခု စနစ်ချင်း မတူညီတဲ့အတွက် ကျွမ်းကျင်ပညာရှင်တွေနဲ့ ပူးပေါင်းပြီး HACCP၊ ISO 22000 နဲ့ Halal အသိအမှတ်ပြု စနစ်တွေအတိုင်း လုပ်ဆောင်ရပါမယ်။ အထူးသဖြင့် ပင်မ Project မစတင်ခင် ၆ လအလိုကတည်းက ဒီစနစ်တွေနဲ့အညီ စမ်းသပ်လည်ပတ်နေဖို့ လိုအပ်ပါတယ်။
တစ်ရက်ကို အစားအစာ အထုပ်ရေ ၂၀,၀၀၀ ကနေ ၅၀,၀၀၀ ကြား ထုတ်လုပ်နိုင်ရင် တစ်ရက်ကို ဒေါ်လာ ၁ သိန်းခွဲလောက် ဝင်ငွေရနိုင်သလို၊ တိုက်ရိုက်နဲ့ သွယ်ဝိုက်တဲ့ အလုပ်အကိုင်ပေါင်း သောင်းချီ ဖန်တီးပေးနိုင်မှာပါ။
အသား ၄ တန်၊ ဆန် ၃ တန်နဲ့ ဟင်းသီးဟင်းရွက် ၅ တန်လောက်ကို နေ့စဉ် Value-added (တန်ဖိုးမြှင့်) လုပ်ပြီး တင်ပို့နိုင်တာဟာ မြန်မာ့စိုက်ပျိုးရေးရဲ့ အနာဂတ်ပါပဲ။
'ခုန်ပျံရုန်းထ မြန်မာ့အနာဂတ်ဘဝ' အတွက် ဒီအမြင်တွေကို မျှဝေရခြင်းဖြစ်ပါတယ်။
လိုတာစား၊ အရိုးပါရင် ထွေးပြီး လူလိုမြင်ပေးကြပါ။ နောက်လူအတွက် တွေးပေးကြပါ။ ကျွန်တော်တို့အားလုံး အတူတူ ရုန်းထကြပါစို့။"
"Technical Training Center" တစ်ခုစလုပ်ရမယ်ဆိုတာကိုတော့ Project သမားတွေနာလည်မှာပါ
အောင်မျိုးလွင် ( အဂ္ဂ )
#MyanmarInvestment #Myanmar #opportunity
#koagga