Happy Birthday to you မူးယစ်ပြန်ထူ

 Happy Birthday to you

Happy Birthday to you
=============
ကျွန်တော်နေတဲ့ Los Angels မှာ တစ်နှစ် ၂ ခါ AA, CA, NA တွေ့စုံပွဲနှင့် အပြေးပြိုင်ပွဲရှိပါတယ်၊ ပစဖိတ်သမုဒ္ဒရာကမ်းခြေမှာပြေကြတာဖြစ်ပါတယ်၊
ကျွန်တော်တို့သူငယ်ချင်းတွေစ ပြေးမှတ်ကိုရောက်တော့ အဲ့ဒီမှာ LA မြို့နယ်ပေါင်း ၁၃၀ ခန့်မှ အသင်းဝင်ရာချီရောက်နေကြပြီး ကော်ဖီအစီအစဥ်လုပ်သူကလုပ်၊ ဓါတ်ပုံရိုက်တဲ့အဖွဲ့က အမှတ်တရဓါတ်ပုံတွေရိုက်ပြီး Page မှာစုပြီးတင်ပေးနေပါတယ်၊

မျက်ခင်ပြင်ပေါ်မှာ နံပါတ် ၈ , ၉, ၁၀, ၁၂ စသည်ဖြင့် နံပါတ်အလိုက် သဲထဲမှာ ပြေးရန် အသုံးပြုပြီးဖိနပ်များကို မျှဝေသူ၊ ရယူသူ၊ ကျုပ်တို့အဖွဲ့ကတော့ မနားတမ်း အပင်ပန်းခံပြီး စော်ငန်း၊ ဆေးလိပ်သောက်လုပ်ရပါတယ်။

စတင်တာထွက်တဲ့အခါ ကျွန်တော်တို့အဖွဲ့လိုက်မသွားပါဘူး ကျွန်တော်က ခါးနာ၊ သူငယ်ချင်းက ခြေခေါက် အကြောင်းအမျိုးမျိုးပြသည့်အတွက် သင်တန်းကျောင်းမှ ကားစီစဥ်ပေးသည့်အတွက် အပြေးပြိုင်သူများ ဝာာဝင်မည့်နေရာသို့ကြိုရောက်ပြီး ရောက်လာသူများသောက်ရန် ပြင်ထားသည့် အချိုရေ ဓါတ်ဆားများကို အပြေးရယူပြီးသောက် သဲပြင်မှာ မှောက်နေလိုက်ကြပါတယ်။

အချိန်နှစ်နာရီခွဲခန့်အကြာတွင် ကမ်းခြေမှာလူစုံလေပြီ၊ ကျွန်တော်ကတောာ့ လူသားပီသစွာပင် ကလေးချီအိပ်ဖြင့်အပြေးဝင်သာသူ Single Mother ကို ဝင်ကူပြီး ကလေးယူထားလိုက်ပါတယ်၊ ထို Aferican American သားလေးက ကျွန်တော့်အသဲလေးပါ။ သူလေးက သင်တန်းမှာ မွေးတဲ့ကလေးပါ၊ ကျွန်တော်တို့အားလုံးချစ်ကြပါတယ်။

AA, CA, NA အဖွဲ့သား ၃၀၀ ခန့် ဝိုင်ဖွဲ့ပြီး သဲသောင်ပြင်မှာ ထိုင်လိုက်ပြီးသည့်နောင် တစ်ယောက်မှ ထပြီး လေ Hong ၃ ချက်တီးလိုက်သည့်အတွက် အားလုံး အသံငြိမ်သွားသည့်အခါ၊ အဖွဲ့သားထဲမှ ယနေ့ Organic ဖေါ်ရည်လုပ်ငန်းဖြင့် အောင်မြင်နေသူ၊ အနုပညာရှင် စသည့် ထင်ပေါ်သူများမှ အားပေးစကား လူသစ်များကိုပြောကြာပေးပြီသည့်နောက် ရက် ၃၀ ပြည့် ဆေးဖျက်ထားသူများ အားလုံး အလည်သို့ထွက်ခဲ့ပါဟုခေါ်ပြီး ကျွန်တော်တို့အားလုံးမှ ပြိုင်တူ Happy Birthday သီချင်းသီဆိုပြီး ဘဝသစ်မွေးဖွားလာသူများ အဖြစ် Happy Birthday သီဆို လက်ခုပ်တီးကြပါတယ်၊ ထိုနည်းတူ ၆ လ၊ ၁ နှစ်၊ ၂ နှစ် ၃ နှစ် ၅ နှစ် နှစ် ၃၀ စသည်ဖြင့် အလှည့်ကျခေါ်ပြီး Happy Birthday ဆိုကြ ပျော်ကြလုပ်တာ ၁ နာရီလောက်ကြာပါတယ်၊

ကျွန်တော်ကတော့ ကလေးထိန်း၊ ထိုအစီအစဥ်ပြီးတာနှင့် ကျွန်တော်ကလေးပြန်ပေးပြီး ဒုတိယအစီစဥ်ဖြစ်တဲ့ ၁၅ ယောက်တစ်ဝိုင်း ဘောလုံးပြစ်ပေးရင် သီချင်းဆိုခြင်း တစ်ယောက်လုပ်သည့် အားကစားအတိုင်း အလှည့်ကျလုပ်ရခြင်းတွေကို ဝင်လုပ်နေဖြစ်ပါတယ်၊

ဒီလိုတွေ့စုံပွဲမှာ မိမိတို့ကျွမ်းကျင်ပြီး သည့်အလုပ်များကို ရေးပြီး ဆက်သွယ်ရန် ပိုစ်လေးရေးပြီး ကပ်လို့ရတဲ့ ဘုတ်ရှိပါတယ် အဲ့ဒီမှာ ငါတော့ ဒါလေးလုပ်ချင်တယ် ဆိုပြီးကပ်ကြပါတယ် ၊ ထိုသို့ကပ်ထားသည်များကို ဖိတ်ကြားထားသည့် Angels များ ဘာသာရေးအသင်းတော်များ ၊ မူယစ်ကျော်လွန်အောင်မြင်သူများမှ ကူညီနိုင်တာကူညီလေ့ရှိကြပါတယ်၊ တစ်ယောက်ဆိုလျင် ဒိုနက် မုန့်လုပ်တာ အတော်ကျွမ်းကျင်ပါတယ် ဒီတော့အသင်းတော် ၃ ခုမှ ဒိုနက်အော်ဒါအတွက် ကြိုတင်ငွေထုပ်ပေးပြီး အပတ်စဥ်မှာပေးသည့်အတွက် အရင်းတစ်ခုကောင်းကောင်းရလာပြီး ယခုဆိုလျင် ဆိုင်ပင်ဖွင့်ထားနိင်ခဲ့ပါပြီ။

Drug Abuse Program သင်တန်းကာလအတွင်း ဖုန်းနှင့် ကင်မရာရိုက်ကူးခွင့်မရှိခြင်း၊ AA, CA, NA မူအရ ရှိသည့်ပုံများမှာလဲ မျှခွင့်မရှိပါ။

အမှတ်ရတာလေးတစ်ခုပါ။

မူးယစ်ဆေးဝါး ပြန်လည်ထူထောင်ရေး အဖွဲ့အစည်းများ (AA, CA, NA) အကြောင်း ရှင်းလင်းချက်---
ဤအဖွဲ့အစည်းများသည် တစ်ကမ္ဘာလုံးတွင် အသိအမှတ်ပြုထားသော "၁၂ ဆင့် အစီအစဉ်" (12-Step programs) များဖြစ်ကြပြီး၊ အချင်းချင်း အပြန်အလှန် ပံ့ပိုးကူညီခြင်းနှင့် ကိုယ်ပိုင်အတွေ့အကြုံများကို ဝေမျှခြင်းဖြင့် စွဲလမ်းမှုမှ လွတ်မြောက်စေရန် ရည်ရွယ်ပါသည်။ ၎င်းတို့သည် အမြတ်အစွန်းအတွက် လုပ်ဆောင်ခြင်းမဟုတ်ဘဲ၊ အဖွဲ့ဝင်အချင်းချင်း ကူညီပေးသည့် မူဝါဒဖြင့် လွတ်လပ်စွာ ရပ်တည်သည်။

AA (Alcoholics Anonymous - အရက်ဖြတ်သူများအသင်း): ၁၉၃၅ ခုနှစ်တွင် စတင်တည်ထောင်ခဲ့ပြီး ၎င်းသည် ပထမဆုံးသော ၁၂ ဆင့် အစီအစဉ်ဖြစ်သည်။ ဤအသင်းသည် အရက်စွဲခြင်းမှ လွတ်မြောက်လိုသူများအတွက် အဓိကထား လုပ်ဆောင်သည်။

NA (Narcotics Anonymous - မူးယစ်ဆေးစွဲသူများအသင်း): AA ကို စံနမူနာယူ၍ ဖွဲ့စည်းထားခြင်းဖြစ်ပြီး၊ မည်သည့်မူးယစ်ဆေးဝါးကိုမဆို စွဲလမ်းနေသူများအတွက် ရည်ရွယ်သည်။ မူးယစ်ဆေးဝါးကင်းစင်သော ဘဝကို ပိုင်ဆိုင်လိုသူများအတွက် ပံ့ပိုးပေးသော ကွန်ရက်တစ်ခုဖြစ်သည်။

CA (Cocaine Anonymous - ကိုကင်းစွဲသူများအသင်း): ဤအစီအစဉ်သည် ကိုကင်းနှင့် အခြားသော စိတ်ကို ပြောင်းလဲစေသည့် မူးယစ်ဆေးဝါးများ စွဲလမ်းနေသူများအတွက် ဖြစ်သည်။ ကိုကင်းကို အဓိကထားသော်လည်း အခြားသော မူးယစ်ဆေးဝါးစွဲလမ်းမှုများနှင့် ပတ်သက်သည့် အတွေ့အကြုံများကိုလည်း ဝေမျှလေ့ရှိသည်။

အဓိကအချက်များ:

အချင်းချင်း ကူညီမှု: အစည်းအဝေးများတွင် ဆရာဝန်များ သို့မဟုတ် ကျွမ်းကျင်ပညာရှင်များက ဦးဆောင်ခြင်းမဟုတ်ဘဲ၊ အဖွဲ့ဝင်များက ၎င်းတို့၏ ပြန်လည်ထူထောင်ရေး ခရီးစဉ်များကို ဝေမျှခြင်းဖြစ်သည်။

လျှို့ဝှက်ထိန်းသိမ်းမှု (Anonymity): အဖွဲ့ဝင်များ၏ အမည်များကို လျှို့ဝှက်ထားပြီး အစည်းအဝေးအတွင်း ပြောဆိုသမျှကို အပြင်သို့ ထုတ်ဖော်ပြောဆိုခြင်းမရှိပါ။ ၎င်းသည် စိတ်ချလုံခြုံပြီး ဝေဖန်မှုကင်းသော ပတ်ဝန်းကျင်ကို ဖန်တီးပေးသည်။

၁၂ ဆင့် အစီအစဉ်: ၎င်းသည် လမ်းညွှန်မူဝါဒများဖြစ်ပြီး၊ မိမိ၏စွဲလမ်းမှုအပေါ် ထိန်းချုပ်နိုင်စွမ်းမရှိကြောင်း ဝန်ခံခြင်း၊ ကိုယ်ပိုင်ယုံကြည်ရာ (သို့မဟုတ်) ဝိညာဉ်ရေးရာ အားအင်တစ်ခုကို ရှာဖွေခြင်းနှင့် ယခင်က ကျူးလွန်မိခဲ့သော အမှားများအတွက် ပြန်လည်ပြင်ဆင်ခြင်းတို့ ပါဝင်သည်။

လွယ်ကူစွာ ပါဝင်နိုင်ခြင်း: အစည်းအဝေးများကို မကြာခဏ (နေ့စဉ်နီးပါး) ကျင်းပလေ့ရှိပြီး အခမဲ့ ပါဝင်နိုင်သည်။
https://koagga.blogspot.com/2026/06/aa-ca-and-na-and-i.html
https://koagga.blogspot.com/2026/06/happy-birthday-to-you-aa-ca-na.html

https://www.facebook.com/john.agga.us/posts/pfbid06FciPTqFuAKf8EjzQ2fxe4cxY3SbEngzXnKnHYZtX8Rp3dGtgt7AjbWLi6aAQ1Dil