ကျွန်တော် မှတ်မိသည့် MJC နှင့် MJCAA

 ကျွန်တော် မှတ်မိသည့် MJC နှင့် MJCAA

ကျွန်တော် မှတ်မိသည့် MJC နှင့် MJCAA
================

Myanmar Japan Center (MJC) သို့ ကျွန်တော် စိတ်ဓာတ်စတင်ကျဆင်းနေခဲ့သည့် ၂၀၁၆ ခုနှစ်အစပိုင်းတွင် သင်တန်းတက်ရောက်ရန် စတင်ရောက်ရှိခဲ့ပါသည်။

ဝင်းလိုက်မှ ကိုမျိုးဇော်၏ ဖိတ်ခေါ်မှုကြောင့်လည်းကောင်း၊ မိတ်သစ်ဆွေသစ်များနှင့် အသိုင်းအဝိုင်းသစ်တစ်ခုကို ရရှိလိုသဖြင့်လည်းကောင်း၊ ပညာရပ်တစ်ခုခုကို သင်ယူလိုသဖြင့်လည်းကောင်း MJC သို့ ရောက်ရှိသွားခြင်း ဖြစ်ပါသည်။ သို့သော် ကျွန်တော် ရောက်ရှိပြီး သင်တန်းကာလအတွင်း သင်ကြားမှုများနှင့် မိတ်ဆွေသစ်များကြောင့် အသိအမြင်များစွာ တိုးတက်လာခဲ့သလို၊ စိတ်ဓာတ်ကျဆင်းနေမှုများကိုလည်း ခေတ္တမျှ မေ့လျော့ထားနိုင်ခဲ့ပါသည်။

ကျွန်တော် MJC တွင် တက်ရောက်ခဲ့သည့် သင်တန်းများမှာ Business Management, HR Management နှင့် Finance Management တို့ ဖြစ်ပါသည်။ သင်တန်းများကို ဂျပန်နိုင်ငံမှ အတွေ့အကြုံရင့် CEO များ၊ ဂျပန်တက္ကသိုလ်များမှ လက်ရှိဆရာ၊ ဆရာမများနှင့် မြန်မာ-ဂျပန်နှစ်ဘာသာရ စီးပွားရေးတက္ကသိုလ်မှ ဆရာ၊ ဆရာမများက သင်ကြားပို့ချပေးခဲ့ကြပါသည်။

ထိုသင်တန်းများမှတစ်ဆင့် အလွန်ကောင်းမွန်သည့် စီးပွားရေးဆိုင်ရာ အသိုင်းအဝိုင်းတစ်ခုကိုလည်း ရရှိခဲ့ပါသည်။ သင်တန်းသုံးခု တက်ရောက်ပြီးနောက် အဖွဲ့အစည်းဆိုင်ရာ လုပ်ငန်းများကို ဝါသနာပါသူဖြစ်သည့် ကျွန်တော်က Japan Myanmar Center Alumni Association (MJCAA) ကို ဖွဲ့စည်းလိုကြောင်း MJC မှ လူကြီးများထံ တင်ပြခဲ့ပါသည်။

MJC မှ လူကြီးများက ကူညီအားပေးခဲ့သဖြင့် သင်တန်းသားသူငယ်ချင်းများနှင့်အတူ MJCAA ဖွဲ့စည်းရေးအတွက် ဖွဲ့စည်းပုံနှင့် စည်းမျဉ်းများ ရေးဆွဲခြင်းကို စတင်လုပ်ဆောင်ခဲ့ကြပါသည်။ ဒီဇိုင်းရေးဆွဲခြင်းကို ဝါသနာပါသော ကျွန်တော်ကလည်း MJCAA ၏ Logo ကို ရေးဆွဲပေးခဲ့ပါသည်။

ထို့အတူ ဟောပြောပွဲများ၊ ပြည်တွင်းနှင့် ပြည်ပလေ့လာရေးခရီးများကိုလည်း MJCAA အဖွဲ့ဝင်များနှင့်အတူ သွားရောက်ခဲ့ရပါသည်။ ထိုအတွေ့အကြုံများမှတစ်ဆင့် ပျော်ရွှင်မှု၊ မိတ်ဆွေကောင်းများနှင့် ပညာဗဟုသုတများစွာကို ရရှိခဲ့ပါသည်။

MJC တွင် သင်တန်းများဖွင့်လှစ်သည့်အခါ အသက်အရွယ်မရွေး တက်ရောက်သင့်သည်ဟု ကျွန်တော် ယုံကြည်ပါသည်။ ကျွန်တော် တက်ရောက်ခဲ့စဉ်က မိမိသမီးအရွယ်ရှိသူများမှစ၍ မိမိထက် အသက်ကြီးသော လုပ်ငန်းရှင်ကြီးများအထိ စုံလင်စွာ တွေ့ဆုံခဲ့ရပါသည်။

MJCAA တွင်လှုပ်ရှာသည့်ကာလ အတွင်း MJC နှင့် JICA မှ အကြံပေး Mr MORI MASA KANAMARU တို့မှ မိမိ ABC Info Tech လုပ်ငန်းတိုးချဲ့ရန် အကူအညီပေးလိုကြောင်းနှင့် Proposal တင်ရန်ကမ်းလှမ်းခဲ့သော်လဲ ကျွန်တော် Proposal မတင်ဖြစ်တော့ပါ၊

MJC သည် ပညာရပ်တစ်ခု သင်ယူရာနေရာသာမက မိတ်ဆွေကောင်းများ၊ အတွေ့အကြုံသစ်များနှင့် မိမိကိုယ်ကို ပြန်လည်တည်ဆောက်နိုင်စေသည့် အမှတ်တရနေရာတစ်ခုလည်း ဖြစ်နေဆဲပါသည်။

MJC အမှတ်တရပုံ ၃၀၀ ခန့်၏ လင့် -
https://photos.app.goo.gl/Lqf82RssjUJwGd1L8

https://www.facebook.com/john.agga.us/posts/pfbid0JEzTWfQMzWPDfswzJ971rskD3E19FCz67DgftPsYnVtJFqWGqY15s1jUWEUD8oY2l

https://www.facebook.com/john.agga.us/posts/pfbid0EaaVPi5p9qMtWaxxaYiQn8PvXU9xMeuTSo9HeF1H7W8cipDD3WGkgQnwmkr4rEPFl

https://koagga.blogspot.com/2026/08/mjc-mjcaa.html

#MJC #Mjcaa #myanmarjapancenter #Myanmar